árni.annáll.is

Sektarkennd föður sem bitnar á syni, brotið og markalaust samband móður og sonar, skeytingarleysi móður og afbrýðisemi föður eru stef sem koma fyrir í þremur kvikmyndum sem voru sýndar á Alþjóðlegri kvikmyndahátíð í Reykjavík í síðasta mánuði.

Getur verið að kvikmyndagerðarmenn séu uppteknir af börnum og bágum kjörum og sambandi þeirra við foreldra? Guðrún Karlsdóttir veltir því fyrir sér og ræðir þessi sambönd og samskipti í góðum pistli á trú.is í dag.

Þessi hóf sig til flugs í Flatey.

Ég prédikaði í árdegismessu í Hallgrímskirkju á þjóðhátíðardegi:

Morgunlestur þessa miðvikudags geymir jákvæða sýn á framtíðina. Vonarsýn. Þar segir: „Drottinn, Guð þinn, mun leiða þig inn í gott land.“ En hvað er gott land?

Ég prédikaði í Neskirkju í gær. Prédikunina má lesa á trú.is:

Fimir fingur fléttuðu þræðina saman. Rautt, grænt, fjólublátt band varð að einum þræði. Ofið saman. Sterkara þannig en sitt í hverju lagi. Og svo kom hún, og bar upp erindið, við hann. Sagði svolítið hikandi: „Ég, hérna, fléttaði þetta handa þér. Þetta er svona … vinaband … viltu eiga það?“

Göngusumarið hófst á Helgafelli í ár. Við Davíð bróðir gengum í fallegu veðri. Þetta er létt ganga og skemmtileg. Tilvalin túr á góðum degi. Gott að spjalla og njóta útsýnis. Gott að vera kominn af stað

Listahátíð í Reykjavík hefur undanfarin ár boðið upp á skemmtilegar uppákomur á götum úti. Þetta árið eru í boði Undarlegir ávextir – Strange Fruit. Sýnt var á Austurvelli í rjómablíðu. Mikill mannfjöldi naut sýningar fjórmenninganna sem var í senn frumleg og skemmtileg. Eldri dóttirin áttaði sig strax á því að sagan fjallaði um ástina. Hvað annað

Ég tók myndir.

Takk fyrir okkur!

Irma Sjöfn leysir af í Hallgrímskirkju í apríl og maí. Hún bauð mér að þjóna með sér í messu á þriðja sunnudegi eftir páska sem ég þáði með þökkum. Það kom í minn hlut að prédika og lagði til grundvallar upphaf guðspjall þessa dags, nánar tiltekið orðin:

Hjarta yðar skelfist ekki. Trúið á Guð og trúið á mig.

Prédikunina má nú lesa á trú.is. Þar er líka hægt að hlusta á hana.

Prédikunin sem ég flutti í Þingvallakirkju á páskadagsmorgni er nú komin á trú.is:

Kirkjuferðirnar minna okkur á fjölbreytileikann, að við eigum sem samfélag að vera opin gagnvart öðrum, taka á móti hinum ókunnugu og fjarlægu. Vera opin gagnvart þeim sem eru öðruvísi. Þær minna okkur á boðunina, að við eigum sem samfélag – að miðla boðskapnum áfram og – þegar svo ber við – syngja á torgum úti svo að undir taki allt um kring.

Þar er líka fjöldi annarra prédikana sem voru fluttar á páskum.

Prédikunin mín frá því í morgun er komin í Postilluna:

„Pabbi, hver setti Jesú á krossinn?“ spurði barnið föður sinn. Fjölskyldan var stödd í sumarfríi erlendis og hafði þennan dag heimsótt klaustur. Þar var að finna mikið safn listaverka og ein myndanna sem varð á vegi þeirra var altaristafla frá miðöldum. Hún sýndi krossfestinguna.

Þar eru líka fleiri prédikanir sem voru fluttar í dag.

Árdegismessurnar í Hallgrímskirkju eru mikilvægur liður í fastri dagskra hverrar viku. Ekki spillir fyrir að mega leggja sitt af mörkum til þjónustunnar. Á miðvikudaginn var héldum við upp á Boðunardag Maríu og það kom í minn hlut að prédika. Um kvöldið settist ég niður til að búa efnið til birtingar á vefnum og gerði í leiðinni smá tilraun.